२०७९ माघ २४, मंगलबार

‘क्याप्टेन’ की नायिकालाई ‘कबड्डी ३’ मा अफर !

फागुन २०, २०७५  | १३३२ पटक पढिएको

तस्वीर – उपासना सि‌ंह ठकुरीको फेसबूकबाट

काठमाडौं – फिल्म ‘क्याप्टेन’ बाट नेपाली रजतपटमा डेब्यु गरेकी नायिका उपासना सिंह ठकुरीले ‘कबड्डी ३’ बाट अफर आएको छ । चलचित्र ‘क्याप्टेन’ मा गाउँमा हुर्किएर काठमाडौं आएकी एक युवतीको भूमिका निभाएकी उपासनाको अभिनयको  तारिफ भइरहेको छ ।

हलमा ‘क्याप्टेन’ चलिरहँदा ‘कबड्डी’ का लागि उपासनालाई अफर आएको हो । तर उपासनाले भने फिल्ममा काम गर्नेबारे अझै निर्णय गरिसकेकी छैनिन् । ‘क्याप्टेन’ मा आएको प्रतिक्रियापछि मात्र आफूले यो फिल्ममा काम गर्ने या नगर्नेबारे निर्णय लिने उनले बताइन् ।

त्यसो त फिल्म ‘कबड्डी’ मा प्रदीप खड्कालाई पनि अफर गरिएको छ । फिल्मका निर्देशक रामबाबु गुरुङले नै यो कुराको पुष्टि गरिसकेका छन् । यदि उपासना र प्रदीप दुवै फिल्ममा देखिए भने फिल्ममा यी दुईको जोडी पनि रहन सक्ने सम्भावना छ ।

यता फिल्मका निर्देशक गुरुङले ‘कबड्डी ३’ मा उपासनाले फिल्म खेल्नेबारे आधिकारिक जानकारी भने दिएका छैनन् ।

साक्षी खबर अनलाइनमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ ।
यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, युट्युबमा पनि जोडिन सक्नुहुन्छ ।

प्रतिक्रिया दिनुहोस