हंगेरीमा कोरोनाले बेलायतका एकजना वरिष्ठ कुटनीतिज्ञको मृत्यु

चैत्र १३, २०७६  |  ५२ पटक पढिएको  |   साक्षी खबर

– एजेन्सी
१३ चैत, काठमाडौं / बेलायतका एकजना वरिष्ठ कुटनीतिज्ञको कोभिड–१९ को संक्रमणले मृत्यु भएको छ । हंगेरीमा कार्यरत बेलायती कुटनीतिज्ञ स्टिभन डिकको मृत्यु भएको हो ।

बेलायतको परराष्ट्र कार्यालयलाई उद्धृत गर्दै सीएनएनले ३७ वर्षीय स्टिभन डिक हंगेरीको बूढापेष्टस्थित बेलायती दूताबासका उपप्रमुखको रुपमा कार्यरत रहेको उल्लेख गरेको छ । बेलायती परराष्ट्र सचिव डोमिनिक राबले भने, “कोभिड–१९ को संक्रमणले स्टिभनको मृत्युको खबर सुनेर अत्यन्तै दुखित र स्तब्ध भएको छु ।”
उनी सन् २००८ मा पहिलोपटक परराष्ट्र कार्यालयमा नियुक्त भएका थिए ।

त्यसलगत्तै उनी रियाद र काबुलस्थित बेलायतीय दूताबास पुगे । बेलायतमा कोभिड–१९ संक्रमितको संख्या आठ हजार पुगेको छ । करिब ४३५ जनाको मृत्यु भएको छ । हंगेरीमा भने मात्र २२६ जना संक्रमित छन् र दशजनाको मृत्यु भएको छ ।

प्रतिक्रिया दिनुहोस

नयाँ समाचार


लोकप्रिय समाचार