भारतमा कोरोनाबाट एकैदिन ३,२९३ को मृत्यु

बैशाख १६, २०७८  | ११५ पटक पढिएको

१६ गते, काठमाडौं ।

भारतमा कोरोनावाट एकैदिन ३ हजार २९३ जनाको मृत्यु भएको छ । यो सँगै अहिले सम्म भारतमा कोरोना संक्रमणका कारण ज्यान गुमाउनेको संख्या दुई लाख नाघेको छ । विश्व स्वास्थ्य संगठनको तथ्यांक अनुसार हालसम्म कोरोनाका कारण भारतमा दुई लाख एक हजार १८७ कोरोना संक्रमितको मृत्यु भइसकेको छ ।

पछिल्लो २४ घण्टामा भारतमा तीन हजार २९३ कोरोना संक्रमितको मृत्यु भएको छ । दोस्रो लहर फैलिएपछि एकै दिन यति धेरै संक्रमितको मृत्यु भएको यो नै पहिलो पटक हो ।

सोही अवधीमा तीन लाख ६० हजार ९६० कोरोना संक्रमित थपिएका छन् । कोरोनाको दोस्रो लहर तीव्र गतिमा फैलिरहेको भारतमा केही समय यता दैनिक तीन लाखभन्दा माथि कोरोना संक्रमित थपिइरहेका छन् ।

भारतमा संक्रमितको उपचारका लागि आईसीयू, भेन्टिलेटर तथा बेडको अभाव हुँदै आएको छ । संक्रमितको मृत्यु दर उच्च हुँदा शव जलाउन घाट र दाउराको समेत अभाव हुँदै आएको भारतीय सञ्चारमाध्यमहरुले जनाएका छन् । शव जलाउन घाटमा घण्टौं कुरेको र नयाँ घाट निर्माण गरिरहेका भिडियोहरु भारतीय सञ्चारमाध्यमहरुले सार्वजनिक गर्दै आएका छन् ।
कबचदयततबm अझभलत

भारतमा हालसम्म एक करोड ७९ लाख ९७ हजार २६७ जनामा कोरोना संक्रमण भइसकेको छ । संक्रमण नियन्त्रणका लागि भारतले धेरै प्रदेशमा लकडाउन गरेको छ ।

संक्रमितको उपचारका लागि भारतलाई स्वास्थ्य सामग्री अरु देशले सहयोग गरिरहेका छन् ।

प्रतिक्रिया दिनुहोस

नयाँ समाचार


लोकप्रिय समाचार