सन्दीप र पारसको वरियता एक स्थान खस्कियो, अलराउण्डरतर्फ भने सुधार

फागुन १५, २०७६  |  ४९ पटक पढिएको  |   साक्षी खबर

१५ फागुन, काठमाडौं / अन्तर्राष्ट्रिय क्रिकेट काउन्सिल (आईसीसी)ले जारी गरेको टी ट्वान्टीतर्फ खेलाडीको वरियतामा सन्दीप लामिछाने एक स्थान गुमाएका छन् । बलिङ विधातर्फ आईसीसीको एक सय खेलाडीको सूचीमा नेपालको एकजना मात्रै सन्दीप लामिछाने परेका छन् । यसअघि पनि एकसय उत्कृष्टको सूचीमा नेपालबाट सन्दीप मात्रै थिए ।

आईसीसीले जारी गरेको नयाँ वरियतामा सन्दीप बलिङ विधातर्फ ८६ औं स्थानमा पुगेका छन् । यसअघि उनी ८५ औं स्थानमा थिए । अफगानिस्तानका राशिद खान शिर्ष स्थानमा यथावत छन् ।

आईसीसीले यसअघि माघ २० गते खेलाडीको टी ट्वान्टी वरियता जारी गरेको थियो । त्यसयता नेपालले कुनै अन्तर्राष्ट्रिय टी ट्वान्टी प्रतियोगिता खेल्न पाएको छैन् । इस्टर्न रिजन कपमा सहभागी हुन थाइल्याण्ड प्रस्थान गरेको नेपाली टोलीले उक्त प्रतियोगिताको प्रदर्शनले आगामी वरियतामा उल्लेख्य भूमिका खेल्नेछन् ।
यसअघि ब्याटिङ् विधामा ६२ औं स्थानमा रहेका पूर्व कप्तान पारस खडका पनि एक स्थान गुमाएका छन् । पारसको वरियता ६३ औं रहेको छ । ब्याटिङ विधामा नेपालबाट अर्को कुनै ब्याट्सम्यान एकसयको सूचीमा अटाएका छैनन् ।

अलराउण्डरतर्फ भने पारस खड्का एक स्थानमाथि उक्लिएका छन् । यसअघि २७ औं स्थानमा रहेका उनी अलराउण्डरको नयाँ वरियतामा अफगानिस्तानका गुलबद्दीन नइबसँगै २६ औं स्थानमा उक्लिएका छन् । अलराउण्डरतर्फ सोमपाल कामी ६६ औं र करण केसी ७४ औं स्थानमा छन् । करण केसी एक स्थान माथि उक्लिन सफल भएका छन् ।

प्रतिक्रिया दिनुहोस

नयाँ समाचार


लोकप्रिय समाचार