२०७९ माघ २४, मंगलबार

खाद्यपदार्थ प्रशस्त हुँदापनि पाकिस्तानमा लाखौँलाई कुपोषण

चैत्र १०, २०७५  | ८३१ पटक पढिएको

१० चैत, कराँची /  पाकिस्तानका लाखौँ नागरिकलाई कुपोषणको समस्या रहेको पाइएको छ । गरिवी र भोकका बारेमा अध्ययन अनुसन्धान गर्दै आएको इन्टरनेशनल फुड पोलिसी रिसर्च इन्स्टिच्युटले सार्वजनिक गरेको प्रतिवेदनमा यस्तो उल्लेख गरिएको छ ।

प्रतिवेदनका अनुसार औसतमा पाँच जना मध्ये एक जनामा अर्थात् पाकिस्तानका करिव दुई करोड जनामा कुपोषणको समस्या रहेको छ ।

“देशमा खाद्यपदार्थको अभाव त छैन, तर पनि यति धेरै मानिसमा कुपोषण देखिएको छ,” प्रतिवेदनमा उल्लेख गरिएको छ । देशका खाद्यपदार्थ पर्याप्त भएपनि आर्थिक सामाजिक कारणले कतिपयको पहुँचमा नभएको विज्ञहरुले बताएका छन् ।

“पाकिस्तानमा खाद्य सुरक्षाका लागि चार पक्ष छन्, एउटा पक्ष उपलब्धता हो भने दोस्रो पक्ष पहुँच, तेस्रो पक्ष उपयोगीता र चौथो पक्ष स्थीरता हो,” एक जना बरिष्ठ अर्थविद् तथा अनुसन्धानकर्ता डा अम्ब्रीन फतिमाले भन्नुभयो । यसको अर्थ पाकिस्तानका धेरै जनालाई पर्याप्त खाद्य पदार्थको उपलब्धता अभाव रहेको छ । रासस/एएफपी

साक्षी खबर अनलाइनमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ ।
यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, युट्युबमा पनि जोडिन सक्नुहुन्छ ।

प्रतिक्रिया दिनुहोस